📢 ТҰМАУҒА ҚАРСЫ ЕКПЕ БАСТАЛДЫ
Тұмау – ең көп таралған әрі қауіпті вирустық аурулардың бірі.
Әлемде жыл сайын 1 млрд-қа дейін жағдай тіркеледі, шамамен 650 мың адам асқынулардан көз жұмады.

☝️ Сенімді қорғаныс тәсілі – екпе.
💉 «Гриппол+» ресейлік екпемен жүргізіледі, ол тұмаудың үш өзекті штаммынан қорғайды.

📍 Екпені қайдан алуға болады:
«№14 Қалалық емхана» ШЖҚ МКК-да тіркелуіңізге қарамастан ала аласыз.
Өз учаскелік дәрігеріңізге немесе 222-кабинетке жүгінуге болады.

✅ Барлық тұрғындарды екпе алып, денсаулығын қорғауға шақырамыз!
Өзіңізді және жақындарыңызды тұмаудан және оның асқынуларынан сақтаңыз!

40 жылдан астам табанды еңбек өтілі бар білікті маман, оториноларинголог дәрігер Кайриден Камариденович Саметов зейнеткерлік демалысқа шыққалы отыр.

Кайриден Камариденович 1984 жылы Целиноград мемлекеттік медицина институтын тәмамдап, 1985 жылы оториноларингология циклі бойынша интернатураны аяқтады.1985–1990 жылдар аралығында Целиноград облысы, Қорғалжын аудандық ауруханасында ЛОР-дәрігер болып қызмет етті.
1990–1992 жылдары Целиноград мемлекеттік медицина институтының хирургиялық аурулар кафедрасы №2 жанындағы клиникалық ординатурада оқыды.1992–1997 жылдар аралығында Целиноград стансасындағы Дәрігерлік теміржол ауруханасының ЛОР бөлімшесінде ординатор-дәрігер ретінде еңбек етті.1997–2020 жылдары «Орталық теміржол ауруханасы» ЖШС емханасында оториноларинголог дәрігер қызметін атқарды. Ал 2020 жылдан бері осы күнге дейін біздің емханада отоларинголог дәрігер болып еңбек етіп келеді.

Ұзақ жылдар бойы үздіксіз, адал еңбек етіп, науқастарға сапалы медициналық көмек көрсеткені үшін Қайриден Камариденович «Еңбек ардагері» медалімен марапатталған.

Құрметті Қайриден Камариденович! Ұзақ жылдар бойы медицина саласына, атап айтқанда, оториноларингология саласына сіңірген еңбегіңіз орасан зор. Сіздің кәсіби біліктілігіңіз, мейірімділігіңіз бен жауапкершілігіңіз көптеген адамдардың денсаулығын қалпына келтіруге зор үлес қосты.

Сізбен бірге жұмыс істеу біз үшін үлкен мәртебе болды. Әріптес ретінде де, адам ретінде де Сіздің орны ерекше.

Алдағы зейнеткерлік өміріңіз тыныш, денсаулығыңыз мықты, отбасыңыз аман болсын! Демалыс күндеріңіз қуанышқа толы, немере-шөберелеріңіздің қызығына кенеліп, жарқын сәттерге толы болсын!

Сізге тек жақсылық тілейміз. Еңбегіңіз үшін мың алғыс!

Ізгі тілекпен, Астана қаласы әкімдігінің «№ 14 қалалық емхана» ЖШҚ МКК ұжымы.

Гепатит — бауырдың қабынуы, ол ауыр асқынуларға және тіпті өлімге әкелуі мүмкін.

Гепатиттің 5 негізгі түрі бар: A, B, C, D және E. Олар:
🔹 жұғу жолдары
🔹 аурудың ауырлығы
🔹 таралу аймақтары
🔹 алдын алу әдістері бойынша ерекшеленеді.

💉 Әсіресе B және C гепатиттері өте қауіпті. Олар созылмалы түрге айналып, цирроз немесе бауыр обырына алып келуі мүмкін.

📍 Жедел гепатиттің белгілері:
-шаршағыштық
-тәбеттің жоғалуы
-дене қызуының көтерілуі
-сарыауру (сарғаю)

Көпшілік сауығып кетеді, бірақ кей адамдарда ауру созылмалы түрге айналуы мүмкін.

🧼 Өзіңізді қалай қорғауға болады?
✅ Жеке гигиенаны сақтау
✅ Жеке заттарды (ұстара, тіс щеткасы, маникюр құралдары) басқа адаммен бөліспеу
✅ Татуировка және пирсинг тек стерильді құралдармен жасау
✅ Жыныстық қатынас кезінде сақтық шараларын сақтау
✅ Уақтылы тексерістен өту — ерте анықтау өмір сақтайды
✅ А және B гепатитіне қарсы вакцина салдыру

🩺 Бауыр — өмірдің айнасы. Оны қорғау — өзіңізді қорғау!

Осы жазбамен бөлісіңіз — көбірек адам гепатиттен сақтану жолдарын білсін.