Бүгін біздің емханамызда Директордың босандыру және балалар жөніндегі орынбасары Бөлеубаева М.Т. дәрігерлер мен медбикелерге қазіргі респираторлық инфекциялар мен тұмау тақырыбында маңызды дәріс өткізді. 🩺💉

🔬 Маман келесі мәселелерді талқылады:
Қазіргі кездегі жедел респираторлы вирусты аурулардың өту ерекшеліктері, клиникасы, диагностикасы, емдеу шаралары және дәрігердің тактикасы. Сонымен қатар вакцинацияның маңыздылығына, антибиотиктерді негізсіз қолданудың салдарына тоқтады.

❗️ Есіңізде болсын, профилактика – инфекциямен күресудің ең тиімді әдісі. Вакцинацияны ұмытпаңыз, гигиенаны сақтаңыз және денсаулығыңызды бақылауда ұстаңыз!

Өзіңізді және жақындарыңызды күтіңіз! 💙

Бүгін Нефролог дәрігер Наурызбек Рахатұлы Муслимов емхана қызметкерлеріне «Созылмалы бүйрек ауруы бар науқастардың ұзақ әрі сапалы өмір сүруі үшін» атты тақырыпта дәріс оқыды.

Дәрісте дәрігер созылмалы бүйрек ауруларының алдын алуда ерте диагностика мен бүйрек қызметін үнемі бақылаудың маңыздылығын атап өтті. Сонымен қатар, аурудың даму процесін баяулатудың негізгі әдістеріне, дұрыс тамақтану, қант және қан қысымын бақылау, сонымен қатар кешенді емдеу тәсілдеріне ерекше назар аударылды.

Дәрігер медикаментоздық терапияның маңыздылығын және науқастардың өмір сапасын арттыру үшін мамандар арасындағы ынтымақтастықты атап өтті. Сондай-ақ, психоэмоционалдық қолдау мен өмір салтының бүйрек денсаулығын сақтау үшін маңызды екені айтылды.

Бұл дәріс медициналық қызметкерлер үшін өте пайдалы ақпарат болды, ол созылмалы бүйрек аурулары туралы білім деңгейін арттырып, науқастармен тиімді жұмыс істеу үшін көмек көрсетуді көздейді.