Балалардағы ішек жұқпалары
Ішек инфекциясы - тамақ, су немесе тұрмыстық қатынас арқылы жұғуы мүмкін. Яғни, балаға сапасыз ластанған тағамды жеу, таза емес су немесе басқа сусын ішу, ауру балалармен және ересектермен ойнау немесе жай қатынаста болу, басқалардың «жұқтырған» заттары мен ойыншықтарын пайдалану арқылы ауру жұқтыру өте оңай. Осыған сүйене отырып ішек инфекцияларының қоздырғыштарының балалар ағзасына енуіне жол бермеуге тырысу қажет.
1. Нәресте кезінен бастап баланы тамақтанар алдында, дәретханадан кейін және көшеден оралғаннан кейін қолын жууға үйретіңіз.
2. Баланың әртүрлі заттарды ұстап, қолымен ауызға салмауын қадағалаңыз, тырнақтарын уақытында алыңыз.
3. Тамақ әрқашан уақытылы пісірілуі керек-балаларға жаз мезгілінде уақытынан ерте тамақ пісірмеңіз.
4. Ет, балық және сүт өнімдері ұзақ термиялық өңдеуден өту қажет.
5. Көкөністер мен жемістерді өте мұқият жуыңыз.
6. Дайын тағамдарды сақтамауға тырысыңыз, бірақ қажет болса, тиісті температура режимінде сақтаңыз.
7. Егер бала бақшаға барса, оны тек жеке заттарын (сүлгі, тарақ және т.б.) пайдалануға үйретіңіз.
8. Егер үйде науқас болса, оны баладан оқшаулау қажет.
9. Барлық заттар дезинфекциялануы керек, сондай-ақ науқастың киімі.
10. Есік тұтқалары мен сыртқы ойыншықтарды үнемі антисептиктермен өңдеу керек.
11. Үй ойыншықтарын сыртқа шығармасаңыз да жуу қажет.
12. Үйді таза ұстаңыз, бөлмені күніне бірнеше рет желдетіңіз. Әрине, бәрінен сақтандыру мүмкін емес, бірақ жауапкершілікпен қарасаңыз, баланың ішек инфекциясын жұқтыру мүмкіндігін едәуір азайта аласыз. Егер барлық сақтық шараларына қарамастан, жедел ішек инфекцияларының алғашқы белгілері пайда болса (жүрек айну, бірнеше рет құсу, диарея, іштің ауыруы, асқазан ауруы), сіз дереу медициналық көмекке жүгінуіңіз қажет. Тек дәрігер емдеуді дұрыс тағайындай алады және науқастармен қатынаста болған адамдар үшін ауруды алдын-алудың қажетті шараларын анықтай алады. Сізге және сіздің балаларыңызға денсаулық тілейміз!!!