9 наурыз күні туберкулезге қарсы күрес айлығы аясында емхананың фтизиатр дәрігері мен салауатты өмір салтын ұстанатын дәрігер «Денсаулық мектебінде» тәуекел топтарына (жүкті әйелдер, қарттар, созылмалы аурулары бар науқастар) сабақ өткізді.

Халықаралық әйелдер күні қарсаңында №14 қалалық емхананың медбикесі Буивидавичус Наталья Ивановна алғыс хатпен марапатталды. Көктемгі мерекемен "Сарыарқа" ауданының әкімі Жүсіп Жұмағұлов құттықтады.

Жүкті әйелдерді жүктілікке дайындаудың маңызды элементтерінің бірі психопрофилактикалық, психотерапевтік және физикалық шаралар кешенін қамтитын физиопсихопрофилактикалық дайындық болып табылады. Жүкті әйелдерді босануға психофизикалық дайындаудың негізгі міндеттері: әйелдерде жүктілікке саналы көзқарас пен босануды физиологиялық процесс ретінде қабылдауды дамыту; қолайлы эмоционалдық фон және жүктілік пен босанудың қалыпты өтуіне сенімділік жасау; жүкті әйелдерде босану қорқынышын жеңу үшін ерік-жігерін жұмылдыру қабілетін қалыптастыру.

Нұр-Сұлтан қаласы №15 мектеп-лицейінің жоғары сынып оқушылары үшін №14 қалалық емхананың салауатты өмір салтын ұстанушы дәрігері мектеп медбикесімен бірлесіп «Темекі шегу зиян» атты семинар-тренинг ұйымдастырды.