Қазіргі таңда еліміздің барлық өңірлерінде ауа температурасы 30°C-тан асып тұр. Синоптиктердің болжамынша, алдағы күндері аптап ыстық күшейіп, ауа температурасы одан әрі көтерілуі мүмкін.

☀️ Аптап ыстық кезінде ағзаға түсетін жүктеме артады. Соның салдарынан сусыздану, күн өту, жылу соққысы және созылмалы аурулардың асқыну қаупі жоғарылайды. Әсіресе балаларға, қарт адамдарға және денсаулығында кінәраты бар адамдарға аса мұқият болған жөн.